Google ADS

Tiranë, mbyllet pas dy orësh e gjysmë tubimi i opozitës, largohen protestuesit

12:54 | 6 Qershor 2024
R J

Është mbyllur pas rreth 2 orë e gjysmë protesta e opozitës në ambientet e jashtme përballë parlamentit të Republikës së Shqipërisë.

Protesta u shoqërua me tensione të forta dhe përplasje mes mbështetëve të opozitës dhe efektivëve të policisë.

Për rreth 2-orë e gjysmë, pjesëmarrësit në tubim tentuan që të çanin kordonin e policisë dhe të hynin brenda perimetrit të sigurisë së parlamentit.

Ashtu sikurse edhe në protestat e opozitës përballë Bashkisë Tiranë, edhe në këtë tubim u ndoq i njëjti skenar me djegien e gomave dhe hedhjen e vezëve në drejtim të policisë.

Si pasojë e përplasjes u plagosën lehtë dy efektivë të policisë, ndërkohë që uniformat blu përdorën dhe spray lotjsellës për shpërndarjen e turmës.

Me pankarta në duar dhe nën thirrjet “Rama ik”, protestuesit kërkuan dorëheqjen e kryeministrit.

Protesta e opozitës vjen pas investigimit të emisionit Rai 3, ku u hodhën akuza për lidhje të qeverisë me personazhe të inkriminuar.

Shpërndaje në rrjete sociale

Lajmet më të lexuara

Të ngjashme

Foto lajm